गजल २

​तिम्रो चाख लाग्दा लाग्दै, मात लाग्यो।

आफू असल हुदा हुँदै बात लाग्यो।।
भविस्य अन्धकार थियो र छ, अझै पनि,

तिमी पाउँदा ज्योतिषी बा भन्थे, साढे सात लाग्यो।

पर्खाइमा थिए, तिम्रो पहिलो स्पर्शको,

बोल्ने सुर कस्दा कस्दै रात लाग्यो।

मन खाएको जुत्ताको, मोलमोलाइ हुँदै थियो,

साना-ठुला, रङ्गिबिरङ्गी, जुत्ताहरुको थात लाग्यो।

म आग्राको कुरा गर्छु, उ घाग्राको,

बुझ्दै जादा बैशको एक चाहात लाग्यो।

क्रमाङ्क पहिलो भन्थिन सधै, उनी उत्तरमा,

तेह्रको वास्तविक्ताले अपुर्णिय घात लाग्यो।

बेहुली भित्राउने तालमेल मिलाउदै गर्दा,

नीफोलीलाई फेरि, अर्को पनि, पात लाग्यो।।

©प्रो नीफोली

१३मार्घ, ०७३

इटहरी, बज्राह

गजल १

​छोरो गजलमा झुल्की सको, बाउलाइ थाहा छैन।

बुहारी खोज्दै हिडि सको, माउलाइ थाहा छैन।
काली भगाउने दाउपेच बुन्दै छु नसकेर-

आसामी छोरीको साउलाई थाहा छैन।

बिग्रीने-बिगार्ने सामान्य हो बैसमा-

म बोको भएको, गाउलाइ थाहा छैन।।
©प्रो नीफोली

22nd Jan, 073

मार्ग ९, ०७३

मन तरङ्ग

​उनी~~

उडि आयो, टप्प बस्यो, त्यो चरी,

पोख्दै छौ आफ्नो भावना छरिबरी,

साथमा सपना घोली।
बिचित्रको यो संसारमा,

उठ्ने प्रयास गर्दै छु म-

घामको पहिलो किरणमा।
था’छ, आफैलाइ,

पाइला चाल्न साथीको आवस्यक छ भनेर,

तिमी आउन खोज्दै छौ, नयाँ ब्यायाम थपेर,

तर-

म बिबस छु आज,

विभिन्न काहाली लाग्दो प्रेम कथा सुनेर,

हो विभिन्न…………सुनेर।

 म~~

🙂

यो मुस्कान नि तिम्रै देन हो,

लाग्छ मलाइ-

ती प्रेम हैन शारीरिक आकर्षण हो।

तर-

तिम्लाई मैले चाहेको मनले हो,

तिम्लाई सम्झदै दिन काट्नु, अचेलको-

दिनचर्या भो।
पाइला चाल्ने छौँ, एक आपसको समझदारीमा,

अवस्नै रम्ने छौँ हामी, साझा फुलबारीमा।
तिम्लाई बेतुकका गफ दिन सक्दिन,

झन, आकाशका तारा टिपेर ल्याउन-

भो, कुरै गर्दिन।

सक्छु त, आफुसंग भएका सम्पुर्ण बस्तु खर्चन,

केवल, तिम्रो मुहारमा-

मलाइ सिकाए जस्तै मुस्कान ल्याउन,

केवल, मुस्कान ल्याउन ।।

©प्रो नीफोली

प्रो नीफोलि

25th April, 016

Itahari Bazhara

अदृश्य पथ

पात्र: A र B

A~~

आजसम्म तपाईं अरुकै पछि लाग्नु भो,

१२७औँ दिवससम्म, तपाईं र तपाईं जस्ता-

मज्दुर दाजुभाइले के पाउनु भो?

आउनुस, 

हामीलाई साथ दिनुस,

अबको क्रान्ति हामिले-

तपाईंहरुकै लागि गर्ने हो।
 B~~

आशाका किरण छर्छौ तिमी,

फेरि पनि,

आशाका किरण छर्छन उनी,

खै! कहिले हो तिम्लाइ पुग्नी,

अनि,

हाम्रो पालो आउनु¿¿

​A~~

हामीलाई पुगिसक्यो हजुर,

अब, खोज्दै छौँ तपाईकै लागि खजुर,

जंगल भागी भागी,

आफ्नै टाउकाको मोल सुनी सुनी,

कति लड्यौँ हामी तपाईंकै लागि,

कति बगेउ हामी तपाईकै लागि।
B~~

हो!

टाउकाको मोल थियो तिम्रो,

तेसैको परिपुर्ति गर्दैछौ-

चुसी रगत पसिना हाम्रो,

अब के पो बाकी रहयो-

हामीले दिन,

हातमा न बैँस छ, न जीवन।
युवा काल लाग्दा लाग्दै,

तिम्रौ लागि लड्दा लड्दै,

कति साथी सहिद भए-

नया नेपालको गाथा गाउदा गाउदै।
आखिरमा,

चिल्ला गाडी पाएउ तिम्ले,

बेदना बाहेक के नै पायौं र हाम्ले।

तेसैले,

मन मरि गो,

तिम्रा कुरा यी छडिदेउ भो,

बढ्ने छौँ अब हामी, हाम्रै कर्मले,

चुम्ने छौँ शिखर हाम्रै पौरखले,

जित्ने छौ हामी, हाम्रै बिरताले।

हाम्रै बिरताले।।

-*-*-*

©proneefoli

प्रो नीफोली

29th April, 016

Itahari, Bazhara

​वृद्ध जवान

केही दात उछिटिएछ्न् तिम्रो,
केही टुक्रीएछन्।

समय संगै तिम्रा छिमेकी नि,

फेरिएछन्।

कतिका सेवा गरेउ-

घाम पानी नभनी।

कतिलाई गन्तब्यमा पुर्याएउ-

मैले के पाउछु नभनी।
सम्भवत!

वृद्धि तिमी- उमेरले,

जवान तिमी- कर्मले।

सम्मान साथ बिदाइ गर्नुपर्ने हो- अब हामिले।
तिम्रा छिमेकी अवस्य नै रुने छन,

तिम्रा सन्तती अवस्य नै नासिने छन,

तर-

तेहि पाइलाले,

नया इतिहास कोरिएको पाउने छन्-

तिम्रा छिमेकीले।

हो!

ट्याङ्ग्रा पुल।

तिम्रा छिमेकिले।।

******** 

©प्रो नीफोली

@proneefoli

इटहरी बज्राह

कोइ छ कि नाइ?

​ओठ टोकि हासी दिदा, भुतुक्कै हुने तिम्रो कोइ छ कि नाइ।

गाला राता बनाइ बसि दिदा, छेउमै आउने तिम्रो कोइ छ कि नाइ।।
उन्नाइस टेकि बीस लाइ छौ,

साथमा ओइ भन्ने तिम्रो कोइ छ कि नाइ।।
अघिल्तिरका काला केस फर्काउदै-फसाउदै छौ,

भन, पोइला जाने तिम्रो कोइ छ कि नाइ ।।
मुख छोपी हास्न थालेउ तिमी,

भन, मोइ खाने तिम्रो कोइ छ कि नाइ।
ओए! यता हेरन, दारी पाले नि हिन्सम छु,

लगी हाले, जारी हाल्ने, तिम्रो कोइ छ कि नाइ।।
(सिकारु गजल, प्रतिकृया पठाइ सहयोग गर्नु होला)

©प्रो नीफोली

१४ पौष,०७३

इटहरी बज्राह